قازاقستان رەسپۋبليكاسى قارجى مينيسترلىگىنىڭ بۇيرىعى  №19 

2016 جىلعى 19 قاڭتار, استانا قالاسى «بايقوڭىربالانس» مەملەكەتتىك مەكەمەسىنىڭ ازاماتتىق قىزمەتشىلەرىن اتتەستاتتاۋدان وتكىزۋ قاعيدالارىن جانە شارتتارىن بەكىتۋ تۋرالى قازاقستان رەسپۋبليكاسىنىڭ 2015 جىلعى 23 قاراشاداعى ەڭبەك كودەكسىنىڭ 139-بابى 7-تارماعىنا سايكەس بۇيىرامىن: 1. قوسا بەرىلىپ وتىرعان «بايقوڭىربالانس» مەملەكەتتىك مەكەمەسىنىڭ ازاماتتىق قىزمەتشىلەرىن اتتەستاتتاۋدان وتكىزۋ قاعيدالارى جانە شارتتارى بەكىتىلسىن. 2. «بايقوڭىربالانس» مەملەكەتتىك مەكەمەسىنىڭ ازاماتتىق قىزمەتشىلەرىن اتتەستاتتاۋدان وتكىزۋ قاعيدالارى مەن شارتىن بەكىتۋ تۋرالى» قازاقستان رەسپۋبليكاسى پرەمەر-ءمينيسترىنىڭ ورىنباسارى – قازاقستان رەسپۋبليكاسى قارجى ءمينيسترىنىڭ 2014 جىلعى 19 اقپانداعى № 56 بۇيرىعىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9279 بولىپ تىركەلگەن, 2014 جىلعى 18 ساۋىردەگى № 56 «يۋريديچەسكايا گازەتا» گازەتىندە (2624) جاريالانعان) كۇشى جويىلدى دەپ تانىلسىن. 3. قازاقستان رەسپۋبليكاسى قارجى مينيسترلىگىنىڭ كادر قىزمەتى دەپارتامەنتى (گ.ا. وماروۆا) زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى باسپا باسىلىمدارى مەن «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىندە ورنالاستىرۋ ءۇشىن جىبەرىلۋىن; 3) وسى بۇيرىقتىڭ قازاقستان رەسپۋبليكاسى قارجى مينيسترلىگىنىڭ رەسمي ينتەرنەت-رەسۋرسىندا ورنالاستىرىلۋىن قامتاماسىز ەتسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ قارجى ءمينيسترى ب. سۇلتانوۆ قازاقستان رەسپۋبليكاسى قارجى ءمينيسترىنىڭ 2016 جىلعى 19 قاڭتارداعى №19 بۇيرىعىمەن بەكىتىلگەن «بايقوڭىربالانس» مەملەكەتتىك مەكەمەسىنىڭ ازاماتتىق قىزمەتشىلەرىن اتتەستاتتاۋدان وتكىزۋ قاعيدالارى جانە شارتتارى 1. جالپى ەرەجەلەر 1. «بايقوڭىربالانس» مەملەكەتتىك مەكەمەسىنىڭ ازاماتتىق قىزمەتشىلەرىن اتتەستاتتاۋدان وتكىزۋدىڭ وسى قاعيدالارى جانە شارتتارى (بۇدان ءارى – قاعيدالار) قازاقستان رەسپۋبليكاسىنىڭ 2015 جىلعى 23 قاراشاداعى ەڭبەك كودەكسىنىڭ 139-بابى 7-تارماعىنا سايكەس ازىرلەندى جانە «بايقوڭىربالانس» مەملەكەتتىك مەكەمەسىنىڭ ازاماتتىق قىزمەتشىلەرىنىڭ (بۇدان ءارى – قىزمەتشىلەر) كاسىبي جانە بىلىكتىلىك دەڭگەيىن, ىسكەرلىك قاسيەتتەرىن انىقتاۋ ماقساتىندا اتتەستاتتاۋدان وتكىزۋدىڭ ءتارتىبى مەن شارتتارىن ايقىندايدى. 2. قىزمەتشىلەردى اتتەستاتتاۋ - ولاردىڭ كاسىبي جانە بىلىكتىلىك دايارلىعىنىڭ, ىسكەرلىك قاسيەتتەرىنىڭ دەڭگەيىن ايقىنداۋ, بىلىكتىلىك ساناتىن (رازريادى) بەلگىلەۋ جونىندە مەرزىمدى جۇزەگە اسىرىلاتىن ءراسىم. اتتەستاتتاۋ كەزىندە نەگىزگى باعالاۋ كريتەريى قىزمەتشىلەردىڭ وزدەرىنە جۇكتەلگەن مىندەتتەردى ورىنداۋ قابىلەتى بولىپ تابىلادى. جۇكتى ايەلدەر اتتەستاتتاۋعا جاتپايدى. 3. بىلىكتىلىك ساناتتار (رازريادتار) باسشىلار, ماماندار جانە باسقا دا قىزمەتشىلەر لاۋازىمدارىنىڭ بىلىكتىلىك انىقتامالىقتارىنا جانە ۇيىمدار باسشىلارى, ماماندارى جانە باسقا دا قىزمەتشىلەرى لاۋازىمدارىنىڭ بىلىكتىلىك سيپاتتامالارىنا سايكەس بەلگىلەنەدى. 4. قىزمەتشىلەر ازاماتتىق قىزمەتتە بولعان ءاربىر كەلەسى ءۇش جىل وتكەن سايىن, بىراق وسى لاۋازىمعا ورنالاسقان كۇننەن باستاپ التى ايدان كەيىن اتتەستاتاۋدان وتەدى. 5. بۇل رەتتە, اتتەستاتتاۋ كورسەتىلگەن مەرزىم باستالعان كۇننەن باستاپ التى ايدان كەشىكتىرمەي وتكىزىلەدى. 6. بالا كۇتىمى بويىنشا دەمالىستا جۇرگەن قىزمەتشىلەر قىزمەتكە شىققاننان كەيىن التى ايدان كەيىن اتتەستاتتالادى. 7. اتتەستاتتاۋدى مىناداي بىرقاتار دايەكتى كەزەڭدى قامتيدى: 1) اتتەستاتتاۋدى وتكىزۋگە دايىندىق; 2) قىزمەتشىمەن اتتەستاتتاۋ كوميسسياسى وتكىزەتىن اڭگىمە; 3) اتتەستاتتاۋ كوميسسياسىنىڭ شەشىم شىعارۋى. 2. اتتەستاتتاۋدى وتكىزۋگە دايىندىقتى ۇيىمداستىرۋ 8. اتتەستاتتاۋدى وتكىزۋگە دايىندىقتى كادر قىزمەتى وزدەرىنىڭ باسشىسىنىڭ تاپسىرماسى بويىنشا ۇيىمداستىرادى جانە ول مىناداي ءىس-شارالاردى قامتيدى: 1) اتتەستاتتاۋدان وتۋشىلەر ءۇشىن قاجەتتى قۇجاتتاردى دايىنداۋ; 2) اتتەستاتتاۋدى وتكىزۋ كەستەسىن ازىرلەۋ; 3) اتتەستاتتاۋ كوميسسيالارىنىڭ قۇرامىن ايقىنداۋ; 4) اتتەستاتتاۋدى وتكىزۋ ماقساتتارى مەن ءتارتىبى تۋرالى ءتۇسىندىرۋ جۇمىستارىن ۇيىمداستىرۋ. 9. كادر قىزمەتى اتتەستاتتاۋعا جاتاتىن قىز­مەت­شىلەردى وسى قاعيدالاردىڭ 4,5-تارماق­تارىنا سايكەس التى اي ىشىندە ءبىر رەت ايقىن­دايدى. 10. «بايقوڭىربالانس» مەملەكەتتىك مەكە­مەسىنىڭ (بۇدان ءارى - مەكەمە) باسشىسى كادر قىزمەتىنىڭ ۇسىنۋىمەن بۇيرىق شىعارادى, ونىمەن اتتەستاتتاۋدان وتەتىن ادامداردىڭ ءتىزىمى, اتتەستاتتاۋدى وتكىزۋ كەستەسى مەن اتتەستاتتاۋ كوميسسيالارىنىڭ قۇرامى بەكىتىلەدى. 11. كادر قىزمەتى قىزمەتشىلەردى اتتەستاتتاۋدى وتكىزۋ مەرزىمى تۋرالى ونى وتكىزۋ باستالۋىنا دەيىنگى ءبىر ايدان كەشىكتىرمەي جازباشا حاباردار ەتەدى. 12. اتتەستاتتاۋعا جاتاتىن قىزمەتشىنىڭ تىكەلەي باسشىسى قىزمەتتىك مىنەزدەمەنى رەسىمدەيدى جانە اتتەستاتتاۋ كوميسسياسىنىڭ وتىرىسىنا دەيىن ءتورت اپتادان كەشىكتىرمەي ونى كادر قىزمەتىنە جىبەرەدى. 13. قىزمەتتىك مىنەزدەمە اتتەستاتتالۋشى قىزمەتشىنىڭ كاسىبي, جەكە باسىنىڭ قاسيەتتەرى مەن قىزمەتتىك ءىس-ارەكەتى ناتيجەلەرىنە نەگىزدەلگەن شىنايى باعاسىن قامتيدى. 14. كادر قىزمەتى قىزمەتشىنى وعان بەرىل­گەن قىزمەتتىك مىنەزدەمەمەن اتتەستاتتاۋ كوميس­سياسىنىڭ وتىرىسىنا دەيىنگى ءۇش اپتادان كەشىك­تىرمەي تانىستىرۋعا مىندەتتى. 15. قىزمەتشى وزىنە بەرىلگەن قىزمەتتىك مىنەز­دەمەمەن كەلىسپەگەن جاعدايدا كەلىسپەۋ تۋرالى مالىمدەمە جاسايدى جانە ءوزىن سيپاتتايتىن اقپاراتتى كادر قىزمەتىنە ۇسىنادى. 16. اتتەستاتتاۋدان وتەتىن قىزمەتشىگە كادر قىزمەتى وسى قاعيدالارعا 1-قوسىمشاعا سايكەس نىسان بويىنشا اتتەستاتتاۋ پاراعىن رەسىمدەيدى. 3. اتتەستاتتاۋ كوميسسياسى 17. اتتەستاتتاۋ كوميسسياسىن مەكەمەنىڭ كادر قىزمەتىنىڭ ۇسىنىسى بويىنشا ونىڭ باسشىسى قۇرادى جانە ول كوميسسيا مۇشەلەرى مەن حاتشىسىنان تۇرادى. اتتەستاتتاۋ كوميسسياسى مۇشەلەرىنىڭ ىشىنەن توراعا تاعايىندالادى. اتتەستاتتاۋ كوميسسياسىنىڭ توراعاسى ونىڭ قىزمەتىنە باسشىلىق ەتەدى, وتىرىستاردا توراعا بولادى, ونىڭ جۇمىسىن ۇيىمداستىرادى, جالپى باقىلاۋدى جۇزەگە اسىرادى جانە ونىڭ قىزمەتى مەن قابىلداناتىن شەشىمدەرى ءۇشىن جاۋاپتى بولادى. 18. اتتەستاتتاۋ كوميسسياسىنىڭ قۇرامىنا مەكەمەنىڭ ءارتۇرلى بولىمشەلەرىنىڭ, ونىڭ ىشىندە كادر جانە زاڭ قىزمەتتەرىنىڭ باسشىلارى, مەكەمە قىزمەتكەرلەرىنىڭ وكىلى, سونداي-اق وزگە دە قىزمەتشىلەر ەنگىزىلەدى. مەكەمە قىزمەتكەرلەرى وكىلدەرىنە كاسىپتىك وداقتاردىڭ ورگاندارى, ولاردىڭ بىرلەستىكتەرى جانە (نەمەسە) وزگە ۋاكىلەتتى جەكە جانە (نەمەسە) زاڭدى تۇلعالار جاتادى. اتتەستاتتاۋ كوميسسياسىنىڭ بولماعان مۇشەلەرىن الماستىرۋعا جول بەرىلمەيدى. 19. اتتەستاتتاۋ كوميسسياسىنىڭ حاتشىسى كادر قىزمەتىنىڭ وكىلى بولىپ تابىلادى, ونى كادر قىزمەتىنىڭ باسشىسى نە مەكەمەنىڭ باسشىسى ايقىندايدى. اتتەستاتتاۋ كوميسسياسىنىڭ حاتشىسى كوميسسيا وتىرىسىنا ءتيىستى ماتەريالداردى, قاجەتتى قۇجاتتاردى دايىندايدى جانە كوميسسيا وتىرىسى وتكەننەن كەيىن حاتتاما رەسىمدەيدى. 20. حاتشى تەحنيكالىق قىزمەت كورسەتەدى جانە اتتەستاتتاۋ كوميسسياسىنىڭ قىزمەتىن قامتاماسىز ەتەدى, ءارى داۋىس بەرۋدە قاتىسپايدى. 21. مەكەمەنىڭ باسشىسىنا اتتەستاتتاۋ جۇرگىزۋ ءۇشىن اتتەستاتتاۋ كوميسسياسىن ونى وسى لاۋازىمعا تاعايىنداۋ قۇقىعىنا يە لاۋازىمدى ادام قۇرادى. 22. اتتەستاتتاۋ كوميسسياسىنىڭ مۇشەلەرى اتتەستاتتاۋدى جالپى نەگىزدە وتەدى. 23. اتتەستاتتاۋ كوميسسياسىنىڭ وتىرىسى, ەگەر ونىڭ قۇرامىنىڭ كەمىندە ۇشتەن ەكىسى قاتىسسا زاڭدى دەپ ەسەپتەلەدى. 24. داۋىس بەرۋدىڭ ناتيجەسى اتتەستاتتاۋ كوميسسياسىنىڭ ءاربىر مۇشەسى وسى قاعيدا­لارعا 2-قوسىمشاعا سايكەس نىسان بويىنشا اتتەستاتتاۋدان وتەتىن ازاماتتىق قىزمەتشىنى باعالاۋ پاراعىن تولتىرۋ قورىتىندىسى بويىنشا كوميسسيا مۇشەلەرىنىڭ كوپشىلىك داۋسىمەن ايقىندالادى. داۋىستار تەڭ تۇسكەن كەزدە كوميسسيا توراعاسىنىڭ داۋسى شەشۋشى بولىپ تابىلادى. 25. كوميسسيا مۇشەسىنىڭ ەرەكشە پىكىرى بولعان جاعدايدا ول جازباشا تۇردە جازىلىپ جانە حاتتاماعا قوسىلادى. 4. اتتەستاتتاۋ وتكىزۋ ءتارتىبى 26. اتتەستاتتاۋ كوميسسياسى اتتەستاتتاۋدى اتتەستاتتاۋدان وتەتىن قىزمەتشىنىڭ قاتىسۋىمەن وتكىزەدى, جۇمىسشى اتتەستاتتاۋ كوميسسياسىنىڭ وتىرىسىنا دالەلدى سەبەپتەرمەن كەلمەگەن جاعدايدان باسقا. اتتەستاتتاۋ كوميسسياسىنىڭ وتىرىسىنا دالەلدى سەبەپتەرمەن قاتىسپاعان قىزمەتشىسى, جۇمىسقا شىققاننان كەيىن اتتەستاتتاۋدان وتەدى. قىزمەتشى اتتەستاتتاۋ كوميسسياسىنىڭ وتى­رىسىنا دالەلدى سەبەپتەرمەن كەلمەگەن جاعدايدا, كوميسسيا بار ماتەريالداردىڭ نەگىزىندە ول جوق بولسا دا اتتەستاتتاۋ وتكىزۋ تۋرالى شەشىم قولدايدى. 27. وتىرىس بارىسىندا كوميسسيا ۇسىنىلعان ماتەريالداردى زەرتتەيدى جانە اتتەستاتتاۋدان وتەتىن ادامدى تىڭدايدى. اتتەستاتتاۋدان وتەتىن ادامعا قويىلاتىن سۇراقتار كاسىبي جانە بىلىكتىلىك دايارلىق, ىسكەرلىك قاسيەتتەر ماسەلەلەرىندەگى قۇزىرەتتىلىگىنىڭ دەڭگەيىن انىقتاۋعا باعىتتالعان. 28. اتتەستاتتاۋ كوميسسيا قىزمەتشىمەن اڭگىمەلەسۋ جانە/نەمەسە ۇسىنىلعان ماتەريال­داردى زەرتتەۋ ناتيجەسىندە مىناداي شەشىم­دەردىڭ ءبىرىن قابىلدايدى: 1) اتقاراتىن قىزمەتىنە لايىقتى; 2) قايتالاپ اتتەستاتتاۋعا جاتادى; كوميسسيا وڭ شەشىم شىعارۋ كەزىندە قىزمەتشىنىڭ بىلىكتىلىك ساناتىنا (رازريادىنا) سايكەستىگىن بەكىتەدى (راستايدى), نە ونى بەكىتۋگە نەگىز جوق ەكەندىگىن بەلگىلەيدى. 29. اتتەستاتتاۋ كوميسسياسىنىڭ شەشىمى اشىق داۋىس بەرۋ ارقىلى قابىلدانادى. اتتەستاتتاۋ كوميسسياسى قۇرامىنا ەنگەن اتتەستاتتاۋدان وتەتىن قىزمەتشى, وزىنە قاتىستى داۋىس بەرۋگە قاتىسپايدى. 30. قايتا اتتەستاتتاۋ باستاپقى اتتەستاتتاۋ وتكەن كۇننەن باستاپ التى اي وتكەننەن كەيىن وسى قاعيدالاردا ايقىندالعان تارتىپپەن وتەدى. قايتا اتتەستاتتاۋدى وتكىزگەن اتتەستاتتاۋ كوميسسياسى مىناداي شەشىمدەردىڭ ءبىرىن قابىلدايدى: 1) اتقاراتىن قىزمەتىنە لايىقتى; 2) اتقاراتىن قىزمەتىنە لايىقتى ەمەس. 31. اتتەستاتتاۋ كوميسسياسىنىڭ شەشىمدەرى, ونىڭ وتىرىسىنا قاتىسقان اتتەستاتتاۋ كوميسسياسى مۇشەلەرى مەن حاتشىسى قول قويعان حاتتامامەن رەسىمدەلەدى. 32. كادر قىزمەتى قىزمەتشىنى اتتەستاتتاۋ كوميسسياسىنىڭ شەشىمىمەن ءۇش جۇمىس كۇنى ىشىندە تانىستىرۋعا ءتيىس. 33. اتتەستاتتاۋ كوميسسياسىنىڭ شەشىمدەرىن مەكەمەنىڭ باسشىسى ءبىر اي مەرزىم ىشىندە بەكىتەدى. 34. اتتەستاتتاۋ كوميسسياسىنىڭ بەكىتىلگەن شەشىمدەرى قىزمەتشىلەردىڭ اتتەستاتتاۋ پاراعىنا ەنگىزىلەدى. 35. اتتەستاتتاۋدان وتكەن قىزمەتشىنىڭ اتتەستاتتاۋ پاراعى جانە وعان بەرىلگەن قىزمەتتىك مىنەزدەمە جەكە ىسىندە ساقتالادى. «بايقوڭىربالانس» مەملەكەتتىك مەكەمەسىنىڭ ازاماتتىق قىزمەتشىلەرىن اتتەستاتتاۋدان وتكىزۋ قاعيدالارى جانە شارتتارىنا 1-قوسىمشا ازاماتتىق قىزمەتشىنىڭ اتتەستاتتاۋ پاراعى اتتەستاتتاۋ ءتۇرى: كەزەكتى - |____|; قايتالاما - |____| (كەرەكتىسىن ح بەلگىسىمەن بەلگىلەۋ) 1. تەگى, اتى, اكەسىنىڭ اتى (بار بولعان جاعدايدا)________________________ 2. تۋعان جىلى, كۇنى, ايى «___»_______________ ج. 3. ءبىلىمى, بىلىكتىلىگىن ارتتىرۋ, قايتا دايارلاۋ جونىندەگى مالىمەتتەر (قاشان جانە قانداي وقۋ ورنىن تامامداعان, ءبىلىمى بويىنشا ماماندىعى, بىلىكتىلىگىن ارتتىرۋ, قايتا دايارلاۋ, عىلىمي دارەجەسى, عىلىمي اتاعى, بەرىلگەن كۇنى تۋرالى قۇجاتتار) _________________________________________________________________ _________________________________________________________________ 4. اتقاراتىن لاۋازىمى جانە تاعايىندالعان كۇنى, بىلىكتىلىك ساناتى (رازريادى) __________________________________________________ _________________________________________________________________ 5. جالپى ەڭبەك ءوتىلى - ___________________________________________ 6. مەملەكەتتىك جانە ازاماتتىق لاۋازىمدارداعى جالپى جۇمىس ءوتىلى ___________________________________________________________________ 7. اتتەستاتتاۋ كوميسسياسى مۇشەلەرىنىڭ ايتقان ەسكەرتۋلەرى مەن ۇسىنىستارى: _____________________________________________________________________ _____________________________________________________________________ 8. اتتەستاتتاۋشىنىڭ وي-پىكىرى: ______________________________ _________________________________________________________________ _________________________________________________________________ 9. اتتەستاتتاۋشىنىڭ قىزمەتتىك مىنەزدەمەسىنە سايكەس ازاماتتىق قىزمەتشىنىڭ قىزمەتىن تىكەلەي باسشىسىنىڭ باعالاۋى_________ __________________________________________________________________________________________________________________________________ _________________________________________________________________ 10. وتىرىسقا اتتەستاتتاۋ كوميسسياسىنىڭ ______ مۇشەسى قاتىستى. 11. داۋىسقا سالۋ قورىتىندىسى بويىنشا اتتەستاتتاۋ كوميسسياسىنىڭ ءاربىر مۇشەسى تولتىراتىن ازاماتتىق قىزمەتشىنىڭ قىزمەتىن قوسا بەرىلەتىن باعالاۋ پاراعىنا سايكەس باعالاۋ: 1) اتقاراتىن قىزمەتىنە لايىقتى (داۋىس سانى) ____; 2) قايتالاپ اتتەستاتتاۋعا جاتادى (داۋىس سانى) _______;* 3) اتقاراتىن قىزمەتىنە لايىقتى ەمەس (داۋىس سانى) ____. 12. بىلىكتىلىك ساناتى (رازريادى): 1) ____________________(جازۋمەن) بىلىكتىلىك ساناتىنا (رازريادىنا) لايىقتى (داۋىس سانى) _______________________________________________________________ ء(ار بىلىكتىلىك ساناتى (رازريادى) بويىنشا جەكە) 2) بىلىكتىلىك ساناتىن (رازريادىن) بەلگىلەۋگە نەگىز جوق (داۋىس سانى) ________________________________. قورىتىندى باعالاۋ____________________________________________ ___________________________________________________________________ (بىلىكتىلىك ساناتىنىڭ (رازريادىنىڭ) ساندىق بەلگىسى جازۋمەن جازىلادى) 13. اتتەستاتتاۋ كوميسسياسىنىڭ ۇسىنىستارى (ولار بەرىلەتىن دالەلدەمەلەرىمەن قوسا) ________________________________________________________________________ _________________________________________________________________________ 14. ەسكەرتپەلەر ________________________________________________ ___________________________________________________________________ اتتەستاتتاۋ كوميسسياسىنىڭ توراعاسى: _________________________ (قولى) اتتەستاتتاۋ كوميسسياسىنىڭ حاتشىسى: ____________________________ (قولى) اتتەستاتتاۋ كوميسسياسىنىڭ مۇشەلەرى:____________________________ (قولى) ____________________________ (قولى) اتتەستاتتاۋدان وتكىزىلگەن كۇنى 20___ج. «___» __________ اتتەستاتتاۋ قورىتىندىسى بويىنشا مەملەكەتتىك مەكەمە (ۇيىم) باسشىسىنىڭ شەشىمى__________________________________________________ ______________________________________________________________ اتتەستاتتاۋ پاراعىمەن تانىستىم: __________________________ (ازاماتتىق قىزمەتشىنىڭ قولى جانە كۇنى) مەملەكەتتىك مەكەمەنىڭ (ۇيىمنىڭ ) مورىنە ارنالعان ورىن * باعالاۋ 2) قايتالاپ اتتەستاتتاۋدان ءوتۋ كەزىندە شىعارىلمايدى «بايقوڭىربالانس» مەملەكەتتىك مەكەمەسىنىڭ ازاماتتىق قىزمەتشىلەرىن اتتەستاتتاۋدان وتكىزۋ قاعيدالارى جانە شارتتارىنا 2-قوسىمشا اتتەستاتتاۋدان وتەتىن ازاماتتىق قىزمەتشىنى باعالاۋ پاراعى (اتتەستاتتاۋ كوميسسياسىنىڭ مۇشەسى تولتىرادى) اتتەستاتتاۋ ءتۇرى: كەزەكتى - |____|; قايتالاما - |____| (كەرەكتىسىن ح بەلگىسىمەن بەلگىلەۋ) تەگى, اتى, اكەسىنىڭ اتى (بار بولعان جاعدايدا)__________________________ لاۋازىمى ____________________________________________________ اتتەستاتتاۋشىنى باعالاۋ_____________________________________________ (وتە جاقسى, جاقسى, قاناعاتتانارلىق, قاناعاتتانارلىق ەمەس) اتتەستاتتاۋ كوميسسياسىنىڭ شەشىمى (تىزبەلەنگەندەردىڭ ءبىرى: اتقارىپ وتىرعان لاۋازىمىنا سايكەس; قايتادان اتتەستاتتاۋعا جاتادى*; اتقارىپ وتىرعان لاۋازىمىنا سايكەس كەلمەيدى): ________________________________________________________ ________________________________________________________ اتتەستاتتاۋ كوميسسيا مۇشەسىنىڭ ءوز شەشىمىنە نەگىزدەمەسى: ________________________________________________________ _________________________________________________________ بىلىكتىلىك ساناتىنا (رازريادىنا) سايكەس كەلەدى _____________________ بىلىكتىلىك ساناتىن (رازريادىن) بەلگىلەۋ ءۇشىن نەگىز جوق _______________ نەگىزدەمە:_____________________________________________________ ______________________________________________________________ ________________________________________________________________________ اتتەستاتتاۋ كوميسسياسىنىڭ مۇشەسى______________________________ (تەگى, اتى, اكەسىنىڭ اتى (بار بولعان جاعدايدا), قولى) اتتەستاتتاۋ كوميسسياسىنىڭ حاتشىسى _____________________________ (تەگى, اتى, اكەسىنىڭ اتى (بار بولعان جاعدايدا), قولى) كۇنى 20 __ جىلعى «___» ____________ * قايتالاپ اتتەستاتتاۋدان ءوتۋ كەزىندە شىعارىلمايدى بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 15 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13069 بولىپ ەنگىزىلدى.